Բայրամովը հայտարարել է, որ ԵԱՀԿ Մինսկի խումբը պահպանելու իմաստ չկա
1 րոպեի ընթերցում
![Բայրամովը հայտարարել է, որ ԵԱՀԿ Մինսկի խումբը պահպանելու իմաստ չկա](http://armenpress.am/resized/480/static/news/b/2024/05/1137013.jpg)
ԵՐԵՎԱՆ, 14 ՄԱՅԻՍԻ, ԱՐՄԵՆՊՐԵՍ։ Ադրբեջանի արտաքին գործերի նախարար Ջեյհուն Բայրամովը հայտարարել է, որ հայ-ադրբեջանական երկկողմ բանակցություններն ամենաօպտիմալն են հետկոնֆլիկտային շրջանում հարաբերությունների խաղաղ կարգավորման հասնելու համար և հավելել, որ այս առումով իմաստ չունի պահպանել այնպիսի ինստիտուտ, ինչպիսին ԵԱՀԿ Մինսկի խումբն է։
Ինչպես հաղորդում «Արմենպրես»-ը, վկայակոչելով հայտնում ադրբեջանական ԶԼՄ-ները, այս մասին Ադրբեջանի ԱԳ նախարարն ասել է Մալթայի ԱԳ նախարար, ԵԱՀԿ գործող նախագահ Իեն Բորջի հետ համատեղ ասուլիսի ժամանակ։
Բայրամովը հայտարարել է նաև, որ Բաքվի և Երևանի երկկողմ բանակցությունները դրական արդյունքներ են տալիս, որոնց թվում է հայ-ադրբեջանական սահմանի սահմանազատման գործընթացի մեկնարկը։