Բռնցքամարտիկ Բարեղամ Հարությունյանը ԵԱ-ի փոխչեմպիոն է

ԵՐԵՎԱՆ, 28 ԱՊՐԻԼԻ, ԱՐՄԵՆՊՐԵՍ: Հայաստանի բռնցքամարտի ընտրանու անդամ Բարեղամ Հարությունյանը դարձավ Եվրոպայի առաջնության արծաթե մեդալակիր:

«Արմենպրես»-ի հաղորդմամբ՝ Սերբիայի մայրաքաղաք Բելգրադում ընթացող բռնցքամարտի Եվրոպայի առաջնության տղամարդկանց 48 կգ քաշային կարգի եզրափակիչում Բարեղամ Հարությունյանը մրցեց Ռուսաստանը ներկայացնող Էդմոնդ Խուդոյանի հետ և զիջեց 5:0 հաշվով:

Ավելի ուշ 92 կգ քաշի եզրափակիչում Նարեկ Մանասյանի մրցակիցը կլինի կրկին Ռուսաստանից Մուսլիմ Հաջիմագոմեդովը:

Ավելի վաղ բռնցքամարտի Եվրոպայի առաջնությունում կանանց ընտրանու անդամներ Անի Հովսեփյանը և Անուշ Գրիգորյանը դարձել էին բրոնզե մեդալակիր: Իսկ տղամարդկանց հավաքականից ԵԱ-ի բրոնզե մեդալներ էին նվաճել Արթուր Բազեյանը, Արթուր Սահակյանը և Արարատ Հարությունյանը: