Գերագույն ռադան առաջին ընթերցմամբ ընդունել է դատապարտյալներին մոբիլիզացնելու մասին օրինագիծը
1 րոպեի ընթերցում
![Գերագույն ռադան առաջին ընթերցմամբ ընդունել է դատապարտյալներին մոբիլիզացնելու մասին օրինագիծը](http://armenpress.am/resized/480/static/news/b/2024/04/1134464.jpg)
ԵՐԵՎԱՆ, 10 ԱՊՐԻԼԻ, ԱՐՄԵՆՊՐԵՍ։ Ուկրաինայի գերագույն ռադան առաջին ընթերցմամբ ընդունել է դատապարտյալներին մոբիլիզացնելու, ինչպես նաև զորահավաքից խուսափելու համար պատիժը խստացնելու մասին օրինագծերը։ «Արմենպրես»-ի փոխանցմամբ՝ այս մասին հաղորդում է «Ուկրինֆորմ» գործակալությունը՝ վկայակոչելով «Գոլոս» խորհրդարանական խմբակցության պատգամավոր Յարոսլավ Ժելեզնյակին։
Դատապարտյալների մոբիլիզացիայի մասին օրինագիծն առաջարկում է ծառայելու հնարավորություն տալ ոչ ծանր հոդվածներով ազատազրկվածներին։
Պատգամավորը հավելել է, որ Գերագույն ռադան նաև առաջին ընթերցմամբ ընդունել է զորահավաքից խուսափելու համար Քրեական օրենսգրքում և Վարչական իրավախախտումների օրենսգրքում փոփոխություններ կատարող օրինագիծը։
Զորահավաքից խուսափելու համար կսահմանվի ազատազրկում 5-ից 10 տարի ժամկետով։