Հայաստանում կկայանա միջազգային ձևաչափ ունեցող LinkedIn Local Yerevan բիզնես նեթվորքինգ միջոցառումը
2 րոպեի ընթերցում
ԵՐԵՎԱՆ, 26 ՄԱՐՏԻ, ԱՐՄԵՆՊՐԵՍ։ Բիզնես համայնքին միավորելու, նոր կապեր ձեռք բերելու հնարավորություն ստեղծելու նպատակով Հայաստանում առաջին անգամ կկայանա միջազգային ձևաչափ ունեցող Linkedin Local Yerevan բիզնես նեթվորքինգը խթանելուն ուղղված միջոցառում:
«Արմենպրես»-ի փոխանցմամբ՝ միջոցառումը կկայանա ապրիլի 6-ին, ALTEZZA by Armenian Helicopters-ում, տոմսեր հնարավոր է ամրագրել` այստեղ:
Linkedin Local Yerevan-ը ընդգրկելու է 300-ից ավելի բիզնես հիմնադրի, ղեկավարի, թոփ-մենեջերի և առհասարակ, բիզնես ոլորտում կայացած անհատի:
Միջոցառման հիմնական բանախոսներն են՝ Արմեն Դարբինյանը (ՀՀ նախկին վարչապետ (1998-1999), Միջազգային Առևտրային Պալատի (ICC) Հայաստանյան Ազգային Կոմիտեի նախագահ), Աշոտ Հովհաննիսյանը (համաշխարհային ծրագրային ապահովման և խորհրդատվական ընկերության Synergy International Systems ընկերության գործադիր տնօրեն), Ռեմ Դարբինյանը (SMARTCLICK-ի հիմնադիր և ViralMango-ի հիմնադիր ու գործադիր տնօրեն), Պյոտր Նեմոյը («Տեատրիկա» թատերական լաբորատորիայի գործադիր տնօրեն), Արմինե Մկրտչյանը (CEO/կազմակերպչական տրանսֆորմացիայի քոուչ, MerakiPal կազմակերպություն, Հայաստանի երեխաների առողջության հիմնադրամի հոգաբարձուների խորհրդի անդամ), Գոռ Կարապետյանը (Simple Business Academy և Targeting ընկերությունների համահիմնադիր և տնօրեն, «Հաջողության Թաքնված Կողմը» և «Պրոակտիվ առաջնորդը» գրքերի հեղինակ) և Էմիլ Կրոյանը (Targeting և Simple Business Academy ընկերությունների համահիմնադիր և տնօրեն):