1 րոպեի ընթերցում
ԵՐԵՎԱՆ, 23 ՄԱՐՏԻ, ԱՐՄԵՆՊՐԵՍ։ Հայաստանի Հանրապետության Ազգային ժողովի նախագահ Ալեն Սիմոնյանը ցավակցություն է հայտնել Մոսկվայում տեղի ունեցած ահաբեկչության կապակցությամբ։
«Արմենպրես»-ի հաղորդմամբ՝ այս մասին ասվում է Ալեն Սիմոնյանի ուղերձում։
«Խիստ դատապարտում եմ Մոսկվայում տեղի ունեցած ահաբեկչական գործողությունը։ Նման գործողությունները որևէ արդարացում չեն կարող ունենալ։ Ցավակցում եմ տուժածների ընտանիքներին և հարազատներին»,- նշված է ուղերձում։
«Կրոկուս Սիթի Հոլ» համերգասրահում համերգի ժամանակ կրակոցներ էին հնչել, որից հետո համերգասրահում հրդեհ էր բռնկվել։ Համացանցում տարածված տեսանյութերից պարզ է դառնում, որ կրակոցներն արձակել են մի խումբ անձինք, որոնց ինքնության վերաբերյալ պաշտոնական տեղեկություններ դեռևս չկան։ Ահաբեկչության հետևանքով զոհերի թիվը վերջին տվյալներով հասել է 80-ի, վիրավորվել է ավելի քան 100 մարդ։