1 րոպեի ընթերցում
ԵՐԵՎԱՆ, 13 ՄԱՐՏԻ, ԱՐՄԵՆՊՐԵՍ: «Պոեզիա» տարեգիրքը, որն առաջին անգամ է լույս տեսել, ընդգրկում է ժամանակակից բանաստեղծների մեկական ստեղծագործություն՝ հեղինակի ընտրությամբ:
«Արմենպրես»-ի հաղորդմամբ՝ այս մասին հայտնում է Հայաստանի գրողների միությունը:
Գրքում տեղ են գտել ժամանակակից գրողների պոեզիայի և բանաստեղծների մասին բանաստեղծություններ, խոսքեր։ Տարեգիրքը հնարավորություն կտա ծանոթանալու ժամանակակից հայ քնարերգության՝ արտերկրում թարգմանական նորություններին, նաև հայերեն թարգմանված օտար հեղինակների գրքերին։
«Պոեզիա» տարեգրքի նախագծի հեղինակներն են Էդվարդ Միլիտոնյանը, Ավիկ Դերենցը: Շապիկը և նկարները՝ Էդվարդ Միլիտոնյանի, հրատարակել է «Ծիծեռնակ» հրատարակչությունը: