Նոր Սահմանադրության վերաբերյալ հայեցակարգ ու տեքստ չկա․Փաշինյան

3 րոպեի ընթերցում

ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: Նոր Սահմանադրության վերաբերյալ տեքստ ու հայեցակարգ չկա, իսկ ժամանակին համապատասխան հանձնաժողովի կողմից ստեղծված հայեցակարգն արդիական չէ։ Այն քաղաքական օրակարգ է և խոսույթ՝ հանրության հետ թեմայի շուրջ խոսակցություն ունենալու նպատակով։

«Արմենպրես»-ի հաղորդմամբ՝ այս մասին ՀՀ վարչապետ Նիկոլ Փաշինյանն ասաց մարտի 12-ին հրավիրված ասուլիսին։

«Ծանոթացել եմ այդ հայեցակարգին և նաև այդ հայեցակարգին ծանոթանալու արդյունքում է, որ հանգել եմ եզրակացության, որ ՀՀ-ին անհրաժեշտ է նոր Սահմանադրություն։ 2020 թվականի փետրվարին, երբ առաջիկայում սահմանադրական հանրաքվե էր՝ Սահմանադրական դատարանի հետ կապված, որը COVID-ի համավարակի պատճառով չեղարկվեց, ես այն ժամանակ էլ եմ խոսել նոր Սահմանադրության անհրաժեշտության մասին և հիմա, ըստ էության, այդ հայեցակարգը, որը կա, արդեն արդի չէ։ Նոր Սահմանադրության վերաբերյալ չկա նոր հայեցակարգ, չկա տեքստ։ Նոր Սահմանադրության վերաբերյալ կա քաղաքական խոսույթ և քաղաքական օրակարգ՝ իմ կողմից ՀՀ ժողովրդին առաջարկվող՝ իր հիմնավորումներով»,-հավելեց Փաշինյանը։

Անդրադառնալով Սահմանադրական հանրաքվեի ժամկետների վերաբերյալ հարցին, նա հայտարարեց, որ դա տեղի կունենա, երբ ինքն ու իր քաղաքական թիմը զգան, որ ՀՀ ժողովուրդը բավարար չափով տեղեկացված է, թե ինչ է տեղի ունենում, ինչու և որ բովանդակությունն ինչ խնդիր է լուծելու, իսկ այս փուլում խնդիրը հանրության հետ թեմայի շուրջ խոսակցություն ունենալն է։

Վարչապետը կրկին ուշադրություն է հրավիրել իր արտահայտած այն համոզմունքին, որ գլոբալ աշխարհը փոփոխվում է, և դրանում կենսունակ կգտնվեն այն պետությունները, որոնք դրանց հետ փոփոխվելու ընդունակություն և ուժ կունենան՝ փոխելու իրենց պատկերացումները կամ առնվազն հարցեր դնելու և պատասխանների հետևից գնալու։

«Մենք երկար ժամանակ մտածել ենք աքսիոմներով, և իմ կարծիքով դա շատ դեպքերում մեզ զրկել է բավարար ճկունությունից, որպեսզի մենք մեր կարիքները հասցեագրենք, մեր մարտահրավերները կառավարենք։ Հիմա, ցավոք, էլի «հայի հետին խելքով» մենք կանգնած ենք թեորեմներով մտածելու անհրաժեշտության առաջ»,-ասաց Փաշինյանը՝ հստակեցնելով, որ Սահմանադրության շուրջ որոշումներ չի կայացնում Կառավարությունը կամ Ազգային ժողովը, չնայած՝ կարող են նախաձեռնել նման գործընթաց, իսկ որոշում է ժողովուրդը, որի համար նա պետք է տեղեկացված լինի։

«Ֆունդամենտալ հարցը, որ պետք է լուծվի պոտենցիալ նոր Սահմանադրությամբ, հետևյալն է՝ ՀՀ ժողովուրդը դե- յուրե և դե-ֆակտո պետք է ինքն իր համար արձանագրի ՀՀ-ում ապրելու կանոնները, որովհետև ՀՀ քաղաքացու գիտակցության մեջ չկա նստվածք և արձանագրում, որ ինքն է որոշել ՀՀ-ում ապրելու կանոնները, այլ կա գիտակցում, որ ինչ-որ նեղ շրջանակ որոշել է և ինքն էլ այդ շրջանակի մեջ կամ տեղավորվում է կամ ոչ»,-ընդհանրացրեց վարչապետը։

Հայերեն

Հայաստանն ու Եգիպտոսը քննարկել են առևտրի ոլորտում համագործակցությունը խորացնելու հեռանկարները

Հայաստանի պատմության թանգարանն ու Աթենքի ազգային հնագիտական թանգարանը համատեղ ցուցահանդեսներ կիրականացնեն

Վահան Կոստանյանը հանդիպել է ՄԱԿ-ի գլխավոր քարտուղարի՝ Սիրիայի հարցերով հատուկ բանագնացի տեղակալի հետ

ՀՀ պաշտպանության նախարարի տեղակալն այցելել է մի շարք զորամասեր

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ