«Կրթական ուղևորություն դեպի ԱՄԷ» ծրագրի մասնակիցները հյուրընկալվել են Երևան քաղաքի պատմության թանգարանում
1 րոպեի ընթերցում
![«Կրթական ուղևորություն դեպի ԱՄԷ» ծրագրի մասնակիցները հյուրընկալվել են Երևան քաղաքի պատմության թանգարանում](http://armenpress.am/resized/480/static/news/b/2024/03/1131924.jpg)
ԵՐԵՎԱՆ, 7 ՄԱՐՏԻ, ԱՐՄԵՆՊՐԵՍ: «Երաժշտություն հանուն ապագայի» մշակութային հիմնադրամի նախաձեռնությամբ իրականացված «Կրթական ուղևորություն դեպի ԱՄԷ» ծրագրի մասնակիցները հյուրընկալվել են Երևան քաղաքի պատմության թանգարանում: Պատանի երաժիշտների հետ հանդիպել է քաղաքապետ Տիգրան Ավինյանը:
Ինչպես «Արմենպրես»-ը տեղեկանում է Երևանի քաղաքապետարանի տարածած հաղորդագրությունից, հիմնադրամի այս ծրագրին մասնակցել են Երևանի տարբեր երաժշտական և արվեստի դպրոցների ու քոլեջների՝ 10-19 տարեկան 34 պատանի շնորհալի երաժիշտներ։
Մերձավոր Արևելքի դասական երաժշտության ակադեմիայի (Middle East Classical Music Academy) և InClassica միջազգային փառատոնի շրջանակում նրանք բացառիկ հնարավորություն են ունեցել մասնակցելու աշխարհահռչակ երաժիշտների և արտիստների հետ վարպետության դասերի, դասախոսությունների, ինչպես նաև ստեղծագործական հանդիպումներ ունեցել հայտնի պրոֆեսորների հետ, ունկնդրել դասական համերգներաշխարհի լավագույն նվագախմբերի և երաժիշտների մասնակցությամբ: