Սփյուռք

Հայրենադարձները ծանոթացել են Հայաստանում աշխատանքի հնարավորություններին

4 րոպեի ընթերցում

Հայրենադարձները ծանոթացել են Հայաստանում աշխատանքի հնարավորություններին

ԵՐԵՎԱՆ, 5 ՄԱՐՏԻ, ԱՐՄԵՆՊՐԵՍ։ Հայաստանի Հանրապետության սփյուռքի գործերի գլխավոր հանձնակատարի գրասենյակի Հայրենադարձության և ինտեգրման կենտրոնում տեղի է ունեցել «Աշխատանքի հնարավորությունները ՀՀ-ում» խորագրով տեղեկատվական հանդիպում, որին մասնակցել են հայրենադարձներ ԱՄՆ-ից, Կանադայից, Գերմանիայից, Լեհաստանից, Ռուսաստանից, Իրանից, Ուկրաինայից, Վրաստանից, Լիբանանից, Սիրիայից և այլ երկրներից։

«Արմենպրես»-ի փոխանցմամբ՝ այս մասին հաղորդագրություն է տարածել ՀՀ սփյուռքի գործերի գլխավոր հանձնակատարի գրասենյակը։

Միջոցառմանը բացման խոսքով հանդես է եկել Սփյուռքի գործերի գլխավոր հանձնակատարի գրասենյակի հայրենադարձության հարցերով պատասխանատու Հովհաննես Ալեքսանյանը՝ ընդգծելով, որ նախաձեռնության նպատակն է հայրենադարձներին ներկայացնել պետական աջակցության ծրագրերն և ՀՀ աշխատաշուկայում մասնավոր ոլորտի հնարավորությունները, ինչպես նաև նպաստել հայրենադարձների և հավանական գործատուների միջև կապի ստեղծմանը։

Միջոցառմանը պետական աջակցության ծրագրերն են ներկայացրել ՀՀ աշխատանքի և սոցիալական հարցերի նախարարության միասնական սոցիալական ծառայության գործատուների հետ համագործակցության և աշխատանքային միգրացիայի բաժնի պետ Հրայր Հակոբյանը, ՀՀ էկոնոմիկայի նախարարության նորարարության և ձեռնարկատիրության ազգային կենտրոնի ներկայացուցիչ Մարինա Եսայանը և ՀՀ բարձր տեխնոլոգիական արդյունաբերության նախարարության ներկայացուցիչ Մոնիկա Մաթևոսյանը։

Ներկաները ծանոթացել են նաև «staff.am» և «job.am» աշխատանքի որոնման առցանց հարթակների հնարավորություններին։

Հանդիպման մասնակից «job.am» աշխատանքի որոնման հարթակի հիմնադիր Լևոն Նալբանդյանի կարծիքով նման ձևաչափի հանդիպումները կարևոր են հայրենադարձների համար և հնարավորություն են ընձեռում ծանոթանալ հայաստանյան աշխատաշուկայի բոլոր նրբություններին։ Ըստ նրա՝ հայրենադարձների տարբեր մասնագիտական խմբեր պահանջված են այսօրվա հայաստանյան աշխատաշուկայում։

«Հայրենադարձները հեշտությամբ կարող են ինտեգրվել հայաստանյան աշխատաշուկայում։ Խոսքը վերաբերում է հատկապես այն մասնագետներին, ովքեր աշխատում են տեղակատվական տեխնոլոգիաների, մարքեթինգի և հարակից ոլորտներում։ Ֆինանսաբանկային ոլորտի աշխատողները գուցե որոշ դժվարությունների հանդիպեն՝ կապված լեզվական և այլ հարցերի հետ, բայց դա ևս հաղթահարելի է», - նշել է Լևոն Նալբանդյանը, ով տարիներ առաջ Հայաստան է վերադարձել ԱՄՆ-ից։

Հանդիպմանը որպես գործատուներ մասնակցել են «Յուքոմ», «Էկովիլ», «Զիգզագ» ընկերությունները, «Ինեկոբանկ»-ը, «Dream of Bjni» հանգստյան տունը, «Հեռուստատեսային և ռադիոհաղորդումների ցանց», «Երևանի գարեջուր», «ՆՅՈՒՊԼԱՍՏ» ընկերությունները, «Fabula» քովորքինգը, «Ազատ միտք» մասնավոր կրթական հաստատությունն ու «Քանոն» արհեստագործական դպրոցը։

ԱՄՆ-ի Կալիֆորնիա նահանգից Հայաստան տեղափոխված Անուշ Խոդավերդին հանդիպմանը մասնակցել է հնարավոր գործատուների հետ կապ հաստատելու նպատակով։

«Ինձ հետաքրքրում է բիզնես ոլորտը, դիտարկում եմ ծրագրի ղեկավարի պաշտոնը։ Երեք տարի է՝ Հայաստանում եմ, մինչև օրս առցանց աշխատել եմ ամերիկյան կազմակերպության համար, հիմա դիտարկում եմ տեղական մակարդակում աշխատանքի հնարավորությունները», - նշել է Անուշ Խոդավերդին։

Հանդիպման ավարտին մասնակիցները հնարավորություն են ստացել նաև իրենց CV-ները ներկայացնել գործատուներին և անցնել նախնական հարցազրույցներ։

Երևանում ելույթ կունենա աշխարհահռչակ օպերային երգիչ և դիրիժոր Պլասիդո Դոմինգոն

Մշակույթ

Երևանում ելույթ կունենա աշխարհահռչակ օպերային երգիչ և դիրիժոր Պլասիդո Դոմինգոն

Գյումրիում մեկնարկեց պանրխաշի փառատոնը

Տուրիզմ

Գյումրիում մեկնարկեց պանրխաշի փառատոնը

«Queen Sensation» խումբը Երևանում հանդես եկավ բացառիկ համերգով

Մշակույթ

«Queen Sensation» խումբը Երևանում հանդես եկավ բացառիկ համերգով

Լոռու մարզպետին ներկայացվել է աղետի գոտում իրականացվող աշխատանքները

Մարզեր

Լոռու մարզպետին ներկայացվել է աղետի գոտում իրականացվող աշխատանքները

«Կանաչապատում և շրջակա միջավայրի պահպանություն» ՀՈԱԿ-ի տարածքում բռնկված հրդեհը մարվել է

Հայաստան

«Կանաչապատում և շրջակա միջավայրի պահպանություն» ՀՈԱԿ-ի տարածքում բռնկված հրդեհը մարվել է

Հանրապետության զգալի շրջաններում առաջիկա օրերին սպասվում է անձրև և ամպրոպ

Հայաստան

Հանրապետության զգալի շրջաններում առաջիկա օրերին սպասվում է անձրև և ամպրոպ

Հիմնանորոգվում է Վանաձոր-Դիլիջան միջպետական նշանակության ավտոճանապարհի մի հատվածը

Մարզեր

Հիմնանորոգվում է Վանաձոր-Դիլիջան միջպետական նշանակության ավտոճանապարհի մի հատվածը

Ոստիկանության Կոտայքի բաժնում օտարերկրացին կրակոցներ է արձակել․ նախաձեռնվել է քրեական վարույթ

Իրավունք

Ոստիկանության Կոտայքի բաժնում օտարերկրացին կրակոցներ է արձակել․ նախաձեռնվել է քրեական վարույթ

ՄԻՊ-ը քննարկել է «Ազգային փոքրամասնությունների մասին» օրենքի նախագիծը

Իրավունք

ՄԻՊ-ը քննարկել է «Ազգային փոքրամասնությունների մասին» օրենքի նախագիծը

ՀՀ տարածքում ավտոճանապարհներն անցանելի են

Հայաստան

ՀՀ տարածքում ավտոճանապարհներն անցանելի են

Վաղաժամ դադարել է Գյումրու ավագանու 5 անդամի լիազորությունը

Քաղաքականություն

Վաղաժամ դադարել է Գյումրու ավագանու 5 անդամի լիազորությունը

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում