Տրանսպորտային միջոցների հաշվառման առանձնահատուկ պահանջարկ ունեցող համարանիշների աճուրդն ավարտվել է. վաճառվել է 7 համարանիշ

ԵՐԵՎԱՆ, 28 ՓԵՏՐՎԱՐԻ, ԱՐՄԵՆՊՐԵՍ։ Տրանսպորտային միջոցների հաշվառման առանձնահատուկ պահանջարկ ունեցող համարանիշների աճուրդն ավարտվել է: «Արմենպրես»-ի փոխանցմամբ՝ այս մասին հայտնել է ՀՀ ՆԳՆ ոստիկանության մամուլի քարտուղար Նարեկ Սարգսյանը՝ մանրամասնելով, որ աճուրդին մասնակցել է 10 անձ, իսկ ներկայացված հաշվառման առանձնահատուկ պահանջարկ ունեցող 48 համարանիշներից վաճառվել է 7-ը։

«Աճուրդը սկսվել է 2024 թվականի փետրվարի 23-ին ժամը 12։00-ին և ավարտվել փետրվարի 28-ին ժամը 12։52-ին։

Լոտի օգտագործման իրավունքի ձեռք բերման արժեքը նշված 7 համարանիշերով կազմել է 156.200.000 դրամ»,- «Ֆեյսբուք» սոցիալական ցանցի իր էջում գրել է Նարեկ Սարգսյանը: