Մարիա Ալեքսանյանը՝ ձիասպորտի Մոսկվայի առաջնության հաղթող

ԵՐԵՎԱՆ, 26 ՓԵՏՐՎԱՐԻ, ԱՐՄԵՆՊՐԵՍ: Հայաստանի ձիասպորտի ֆեդերացիան ներկայացնող Մարիա Ալեսքսանյանը գրավել է Մոսկվայի առաջնության առաջին հորիզոնականը։

«Արմենպրես»-ի հաղորդմամբ` Ռուսաստանի Դաշնության մայրաքաղաք Մոսկվայում փետրվարի 25-ին կայացած ձիասպորտի Մոսկվայի առաջնությունում, հաղթահարելով 120 սմ արգելքն՝ Ալեքսանյանը դարձել է առաջնության բացարձակ հաղթող։

Մարիա Ալեքսանյանի մարզիչն Արթուր Բաղդասարյանն է։ Շաբաթներ առաջ 16- ամյա Մարիա Ալեքսանյանը «Виват, Россия» ձիասպորտի ակումբի համառուսաստանյան ամանորյա մրցաշարում դարձել էր երրորդ մրցանակակիր , իսկ 2023-ի տարեսկզբին Մարիա Ալեքսանյանն Համառուսաստանյան ձիասպորտի մրցաշարում դարձել է երկրորդ մրցանակակիր՝ հաղթահարելով 100 սմ արգելքը: