1 րոպեի ընթերցում
ԵՐԵՎԱՆ, 18 ՓԵՏՐՎԱՐԻ, ԱՐՄԵՆՊՐԵՍ: Հայաստանի մարմնամարզության հավաքականի անդամ, Եվրոպայի և աշխարհի չեմպիոն, Օլիմպիական խաղերի բրոնզե մեդալակիր Արթուր Դավթյանը դարձավ աշխարհի գավաթի խաղարկության ոսկե մեդալակիր:
«Արմենպրես»-ի հաղորդմամբ` Եգիպտոսի մայրաքաղաք Կահիրեում ընթացող մարմնամարզության աշխարհի գավաթի խաղարկության առաջին փուլի հենացատկի վարժության եզրափակիչում Դավթյանը հավաքեց 14,933 միավոր և զբաղեցրեց առաջին տեղը:
Նախօրեին աշխարհի գավաթի խաղարկության արծաթե մեդալակիր էր դարձել (օղակների վարժություն) Վահագն Դավթյանը: