Փաշինյան-Շոլց-Ալիև հանդիպմանը պայմանավորվածություն է ձեռք բերվել շարունակել խաղաղության պայմանագրի շուրջ աշխատանքները
1 րոպեի ընթերցում
![Փաշինյան-Շոլց-Ալիև հանդիպմանը պայմանավորվածություն է ձեռք բերվել շարունակել խաղաղության պայմանագրի շուրջ աշխատանքները](http://armenpress.am/resized/480/static/news/b/2024/02/1130559.jpg)
ԵՐԵՎԱՆ, 17 ՓԵՏՐՎԱՐԻ, ԱՐՄԵՆՊՐԵՍ: Մյունխենում Հայաստանի վարչապետ Նիկոլ Փաշինյանի, Գերմանիայի կանցլեր Օլաֆ Շոլցի և Ադրբեջանի նախագահ Իլհամ Ալիևի եռակողմ հանդիպմանը քննարկվել են Հայաստան-Ադրբեջան հարաբերությունների կարգավորման գործընթացը և տարածաշրջանում խաղաղության ու կայունության ապահովմանն ուղղված քայլերը:
«Արմենպրես»-ի փոխանցմամբ՝ այս մասին հայտնում են ՀՀ կառավարությունից:
Պայմանավորվածություն է ձեռք բերվել շարունակել աշխատանքները խաղաղության պայմանագրի շուրջ:
Եռակողմ հանդիպումը կայացել էր Մյունխենի անվտանգության համաժողովի շրջանակում: