Հավայներում 5,7 մագնիտուդով երկրաշարժ է տեղի ունեցել

ԵՐԵՎԱՆ, 10 ՓԵՏՐՎԱՐԻ, ԱՐՄԵՆՊՐԵՍ: Աշխարհի գործող ամենամեծ հրաբխում՝ Մաունա Լոայում (Հավայան Մեծ կղզի) տեղի է ունեցել 5,7 մագնիտուդով երկրաշարժ, ինչը վնասել է խանութներ, մոտակա քաղաքում անջատվել է էլեկտրականությունը: Ինչպես հաղորդում է «Արմենպրես»-ը՝ այս մասին հայտնում է NBC news-ը:

Երկրաշարժը ցունամի չի առաջացրել։

Վերջին անգամ Մաունա Լոան ժայթքել է 2022թ. վերջին։ Այն հինգ հրաբուխներից մեկն է Մեծ կղզում, որն ամենահարավայինն է Հավայան արշիպելագում։