368.59
Թեհրանը բողոքի նոտա է ներկայացրել Մեծ Բրիտանիայի դեսպանին Սունակի հայտարարությունների պատճառով
1 րոպեի ընթերցում
ԵՐԵՎԱՆ, 30 ՀՈՒՆՎԱՐԻ, ԱՐՄԵՆՊՐԵՍ: Իրանի Իսլամական հանրապետությունում Մեծ Բրիտանիայի դեսպան Սայմոն Շերքլիֆը կանչվել է Իրանի ԱԳՆ՝ վարչապետ Ռիշի Սունակի հայտարարություններից հետո, որոնք Թեհրանը համարում է հակաիրանական, և այդ կապակցությամբ իր բողոքն է արտահայտել՝ համապատասխան նոտա ներկայացնելով Մեծ Բրիտանիայի դեսպանին։ Այդ մասին տեղեկացնում է «Արմենպրես»-ը՝ վկայակոչելով «ՌԻԱ Նովոստի»-ն։
«Իրանի Իսլամական Հանրապետության դեմ բրիտանական ռեժիմի շարունակվող մեղադրանքների պատճառով Թեհրանում Մեծ Բրիտանիայի դեսպան Սայմոն Շիրքլիֆն այսօր հրավիրվել է Արտաքին գործերի նախարարություն Արևմտյան Եվրոպայի վարչության գլխավոր տնօրենի կողմից և դեսպանին է փոխանցվել բողոքի նոտան», - ասված է հաղորդագրության մեջ:
Նախօրեին Սունակը մտահոգություն էր հայտնել Մերձավոր Արևելքում լարվածության վերաբերյալ և կոչ արել Իրանին թուլացնել էսկալացիան Սիրիայի և Հորդանանի սահմանին գտնվող ամերիկյան ռազմակայանի վրա անօդաչու թռչող սարքի հարվածից հետո, որի պատասխանատվությունը ստանձնել էր «Իրաքի իսլամական դիմադրություն» շիա շարժումը:
Բաժանորդագրվեք մեր ալիքին Telegram-ում