Fly Arna ավիաընկերությունն օպերացիոն փոփոխություններով պայմանավորված դադարեցրել է թռիչքները
1 րոպեի ընթերցում
ԵՐԵՎԱՆ, 29 ՀՈՒՆՎԱՐԻ, ԱՐՄԵՆՊՐԵՍ: Fly Arna ավիաընկերությունը դադարեցրել է թռիչքները՝ պայմանավորված ընկերության կողմից իրականացվող օպերացիոն փոփոխություններով:
«Արմենպրես»-ի հաղորդմամբ՝ այս մասին հաղորդագրություն է զետեղված ավիաընկերության պաշտոնական կայքում:
«Ավիաընկերության թռիչքներն այս պահին դադարեցված են, ինչը պայմանավորված է ընկերության կողմից իրականացվող օպերացիոն փոփոխություններով: Ավիաընկերությունն աշխատանքներ է տանում իր ծառայությունները հնարավորինս շուտ վերականգնելու և կրկին իր ուղևորներին սպասարկելու ուղղությամբ»,-ասվում է տեքստում:
Ավիաընկերությունն առաջակում է հետևել իրենց պաշտոնական էջերին թարմացումների համար:
Fly Arna-ն հայկական ազգային ավիափոխադրող է, որը Հայաստանի պետական հետաքրքրությունների ֆոնդի (ԱՆԻՖ) և Air Arabia խմբի համատեղ ձեռնարկությունն է: Բազավորված լինելով Երևանի «Զվարթնոց» միջազգային օդանավակայանում՝ Fly Arna-ն հետևում է Air Arabia ընկերության բյուջետային հաջող բիզնես մոդելին և առաջարկում է հարմարավետություն, հուսալիություն և ցածր գնի դիմաց արժեքավոր օդային փոխադրումներ։