Իրանի Գարմսար քաղաքում հզոր պայթյունի ձայներ են լսվել

ԵՐԵՎԱՆ, 22 ՀՈՒՆՎԱՐԻ, ԱՐՄԵՆՊՐԵՍ։ Իրանի Գարմսար քաղաքում հզոր պայթյունի ձայներ են լսվել։ «Արմենպրես»-ի փոխանցմամբ՝ այս մասին հաղորդում է IRNA գործակալությունը։

Գարմսարի Արդյունաբերության, հանքարդյունաբերության և առևտրի վարչության ղեկավարը IRNA-ին հայտնել է, որ միջադեպի հետ կապված մանրամասներ առայժմ հայտնի չեն։ Կատարվում է հետաքննություն։

Գործակալության թղթակիցը հայտնել է, որ Գամսարի տարբեր հատվածներում տեղի ժամանակով առավոտյան ժամը 9։15-ին հզոր պայթյունի ձայն է լսվել։

Քաղաքը գտնվում է Թեհրանից 95 կմ դեպի հարավ-արևելք։ Այնտեղ է գտնվում Սեմնանի նահանգի արդյունաբերական օբյեկտների գրեթե կեսը։