Մարիա Ալեքսանյանը ձիասպորտի ռուսաստանյան մրցաշարում զբաղեցրել է երրորդ տեղը

ԵՐԵՎԱՆ, 17 ՀՈՒՆՎԱՐԻ, ԱՐՄԵՆՊՐԵՍ: Հայազգի Մարիա Ալեքսանյանը “Виват, Россия” ձիասպորտի ակումբի համառուսաստանյան ամանորյա մրցաշարում դարձել է երրորդ մրցանակակիր:

«Արմենպրես»-ի հաղորդմամբ` Ռուսաստանի Դաշնության մայրաքաղաք Մոսկվայում կայացած ձիասպորտի մրցաշարում 16-ամյա Մարիա Ալեքսանյանը գրավել է երրորդ հորիզոնականը` դառնալով բրոնզե մեդալակիր:

Այս նվաճումը Ալեքսանյանի առաջին հաջողությունը չէ։ 2023-ի տարեսկզբին Մարիա Ալեքսանյանն Համառուսաստանյան ձիասպորտի մրցաշարում դարձել է երկրորդ մրցանակակիր՝ հաղթահարելով 100 սմ արգելքը: