Հունահռոմեական ոճի ըմբիշները սկսել են նախապատրաստվել Եվրոպայի առաջնությանը

ԵՐԵՎԱՆ, 9 ՀՈՒՆՎԱՐԻ, ԱՐՄԵՆՊՐԵՍ: Հայաստանի հունահռոմեական ոճի ըմբշամարտի հավաքականը սկսել է նախապատրաստվել Եվրոպայի առաջնությանը:

«Արմենպրես»-ի հաղորդմամբ` այս մասին հայտնում է Հայաստանի ըմբշամարտի ֆեդերացիան: Հայաստանի հունահռոմեական ոճի ըմբշամարտի հավաքականը սկսել է 2024-ի առաջին ուսումնամարզական հավաքը, որը կտևի 14 օր։ Հավաքին են միացել նաև Լեհաստանի և Էստոնիայի ընտրանիները։

Ըմբիշները նախապատրասվում են փետրվարի 12-18-ը Ռումինիայի մայրաքաղաք Բուխարեստում կայանալիք Եվրոպայի առաջնությանը։