Հայաստանից ժամանակավորապես կարգելվի խոշոր եղջերավոր անասունների և ոչխարների չմշակված մորթի արտահանումը
1 րոպեի ընթերցում
ԵՐԵՎԱՆ, 4 ՀՈՒՆՎԱՐԻ, ԱՐՄԵՆՊՐԵՍ: Հայաստանի կառավարությունը 6 ամսով արգելում է խոշոր եղջերավոր անասունների, ոչխարների և գառների չմշակված մորթերի, ինչպես նաև այլ չմշակված մորթերի արտահանումը։
«Արմենպրես»-ի փոխանցմամբ՝ այս մասին հայտնել է ՀՀ էկոնոմիկայի նախարարությունը։
Նախագծի ընդունումը հնարավորություն կտա ԵԱՏՄ օրենսդրության շրջանակներում սահմանափակումներ կիրառել այնպիսի ապրանքների արտահանման նկատմամբ, ինչը, վերամշակելով տեղում, կնպաստի երկրի պաշտպանության և անվտանգության ապահովմանը:
Նախագծի ընդունումը հիմնավորվում է Հայաստանի Հանրապետության համար կարևոր նշանակություն ունեցող ապրանքի (անմշակ կաշի) արտահանումը սահմանափակելու, տեղական արտադրությունը պաշտպանելու և հումքային բազայով ապահովման, ինչպես նաև Հայաստանի մշակող արդյունաբերության ոլորտի գործունեությունը խթանելու անհրաժեշտությամբ: