Հայաստանն ակնկալում է ԵՄ խորհրդում Բելգիայի նախագահության հետ համատեղ աշխատանքով խորացնել գործընկերությունը. Միրզոյան
2 րոպեի ընթերցում
ԵՐԵՎԱՆ, 4 ՀՈՒՆՎԱՐԻ, ԱՐՄԵՆՊՐԵՍ: Հայաստանի արտաքին գործերի նախարար Արարատ Միրզոյանը բարձր է գնահատել Եվրոպական միության խորհրդում նախագահությունն ավարտած Իսպանիայի գործունեությունը և ողջունել 2024-ին Բելգիայի նախագահությունը:
«Արմենպրես»-ի փոխանցմամբ՝ X-ի իր միկրոբլոգում Միրզոյանը մասնավորապես գրել է. «Շնորհավորում եմ Խոսե Մանուել Ալբարեսին և ԵՄ խորհրդում նախագահությունն ավարտող Իսպանիային բացառիկ դժվար ժամանակներում իրականացվող գործունեության համար»:
My congratulations to @JMAlbares & outgoing @EU2023ES for activities during exceptionally challenging times. Appreciated that @EUCouncil SpanishPresidency advanced our common agenda, aimed at further strengthening #EU’s partnership with Armenia based on shared vision. pic.twitter.com/mWcdOsb2He
— Ararat Mirzoyan (@AraratMirzoyan) January 4, 2024
Հայաստանի ԱԳ նախարարը գնահատելի է համարել, որ ԵՄ խորհրդում Իսպանիայի նախագահությունը առաջ է մղել ընդհանուր օրակարգը՝ նպատակ ունենալով էլ ավելի ամրապնդել ԵՄ գործընկերությունը Հայաստանի հետ՝ հիմնված ընդհանուր տեսլականի վրա:
«Ջերմորեն ողջունելով Եվրամիության խորհրդում Բելգիայի նախագահությունը՝ հաջողություն եմ մաղթում իմ գործընկեր Հաջա Լահբիբին: Հայաստանը ակնկալում է 2024-ին համատեղ աշխատել ԵՄ խորհրդում Բելգիայի նախագահության հետ՝ ավելի խորացնելու և ամրապնդելու մեր գործընկերությունը ԵՄ-ի հետ՝ արդյունավետ կերպով իրականացնելու մեր քաղաքացիների ձգտումները»,-գրել է Միրզոյանը:
Warmly welcoming Belgium’s Presidency of @EUCouncil, I wish every success to my counterpart @hadjalahbib. Armenia looks forward to working jointly with @EU2024BE to further deepen & strengthen our partnership with #EU to effectively meet aspirations of our citizens. pic.twitter.com/BO9IdHbEzZ
— Ararat Mirzoyan (@AraratMirzoyan) January 4, 2024