Իրանցի գեներալ Ղասեմ Սոլեյմանիի գերեզմանի մոտ տեղի ունեցած պայթյունների հետևանքով կա առնվազն 53 զոհ
1 րոպեի ընթերցում
ԵՐԵՎԱՆ, 3 ՀՈՒՆՎԱՐԻ, ԱՐՄԵՆՊՐԵՍ։ Իրանի Իսլամական հեղափոխության պահապանների կորպուսի գեներալ Ղասեմ Սոլեյմանիի գերեզմանի մոտ տեղի ունեցած երկու պայթյունների հետևանքով առնվազն 53 մարդ է զոհվել։ Եվս 70 մարդ վիրավորվել է։ «Արմենպրես»-ի փոխանցմամբ՝ այս մասին հաղորդում է իրանական IRIB լրատվամիջոցը։
Պայթյունները տեղի են ունեցել Սոլեյմանիի սպանության 4-րդ տարելիցի օրը՝ Քերման քաղաքի Սահեբ ալ Զաման մզկիթի մերձակայքում անցկացվող արարողության ժամանակ։
Քերմանի արտակարգ ծառայությունների ղեկավարը հայտարարել է, որ տեղի են ունեցել ռումբերի պայթյուններ։
Քերմանի նահանգապետի տեղակալը հարձակումը որակել է որպես «ահաբեկչական»։