Մահացել է Հայաստանում Դոմինիկյան Հանրապետության նախկին դեսպանը․ Միրզոյանը ցավակցել է

ԵՐԵՎԱՆ, 26 ԴԵԿՏԵՄԲԵՐԻ, ԱՐՄԵՆՊՐԵՍ։ Հայաստանի արտաքին գործերի նախարար Արարատ Միրզոյանը ցավակցություն է հայտնել Հայաստանում Դոմինկյան Հանրապետության նախկին դեսպան Հանս Դաննենբերգի մահվան կապակցությամբ։

«Խորը վշտով տեղեկացա Հայաստանում Դոմինկյան Հանրապետության նախկին դեսպան Հանս Դաննենբերգի անժամանակ մահվան մասին։ Ավելի ամուր երկկողմ կապեր կառուցելու նրա անխոնջ ջանքերը՝ ներառյալ Երևանում դիվանագիտական գրասենյակը բացելը, միշտ կհիշվեն։ Ցավակցում եմ նրա ընտանիքի անդամներին և հարազատներին»,-«Արմենպրես»-ի փոխանցմամբ՝ X-ի իր միկրոբլոգում գրել է Միրզոյանը։

Deeply saddened to learn of untimely passing of former Amb. oftoHans Dannenberg. His relentless efforts aimed at building stronger bilat ties, including opening of dip. office in Yerevan, will be always remembered. Condolences to his family &friends. @MIREXRD @RobalsdqAlvarez

— Ararat Mirzoyan (@AraratMirzoyan) December 25, 2023

Հանս Դաննենբերգը Հայաստանում Դոմինկյան Հանրապետության դեսպան էր նշանակվել 2022 թվականի ապրիլին։ 2023 թվականին Դաննենբերգը նշանակվել էր Կանադայում Դոմինկյան Հանրապետության դեսպան։ 2006-2021 թվականներին նա եղել է Հնդկաստանում Դոմինկյան Հանրապետության դեսպանը։

Դաննենբերգի մահվան կապակցությամբ ցավակցել է նաև Հնդկաստանի արտաքին գործերի նախարար Սուբրամանյամ Ջայշանկարը։