ՀՀ վարչապետը և ՌԴ նախագահը հնարավորություն կունենան ԵԱՏՄ-ի և ԱՊՀ շրջանակներում շփվել․ Պեսկով
1 րոպեի ընթերցում
![ՀՀ վարչապետը և ՌԴ նախագահը հնարավորություն կունենան ԵԱՏՄ-ի և ԱՊՀ շրջանակներում շփվել․ Պեսկով](http://armenpress.am/resized/480/static/news/b/2023/12/1126911.jpg)
ԵՐԵՎԱՆ, 25 ԴԵԿՏԵՄԲԵՐԻ, ԱՐՄԵՆՊՐԵՍ։ Հայաստանի վարչապետ Նիկոլ Փաշինյանը և Ռուսաստանի նախագահ Վլադիմիր Պուտինը հնարավորություն կունենան շփվել Սանկտ Պետերբուրգում կայանալիք Եվրասիական տնտեսական միության և ԱՊՀ առաջնորդների մասնակցությամբ միջոցառումների շրջանակում:
Ինչպես տեղեկացնում է «Արմենպրես»-ը, վկայակոչելով ՏԱՍՍ-ը, այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը:
«Նրանք հիանալի հնարավորություն կունենան շփվելու առաջիկա միջոցառումների շրջանակներում»,- ասել է Պեսկովը՝ պատասխանելով այն հարցին, թե կլինե՞ն արդյոք առանձին բանակցություններ Պուտինի և Փաշինյանի միջև։
Հայաստանի վարչապետն աշխատանքային այցով մեկնել է Սանկտ Պետերբուրգ, որտեղ կմասնակցի ԵԱՏՄ բարձրագույն խորհրդի նիստին։ Դեկտեմբերի 26-ին էլ Նիկոլ Փաշինյանը կմասնակցի ԱՊՀ երկրների առաջնորդների ոչ պաշտոնական հանդիպմանը։