368.59
Հայաստանը մեծ կարևորություն է տալիս Հնդկաստանի պատմամշակութային ավանդույթներին. դեսպան Վահագն Աֆյանն իր հավատարմագրերն է հանձնել Դրուպադի Մուրմուին
1 րոպեի ընթերցում
ԵՐԵՎԱՆ, 1 ԴԵԿՏԵՄԲԵՐԻ, ԱՐՄԵՆՊՐԵՍ։ Հնդկաստանում ՀՀ դեսպան Վահագն Աֆյանը նոյեմբերի 28-ին իր հավատարմագրերն է հանձնել Հնդկաստանի Հանրապետության նախագահ Դրուպադի Մուրմուին:
«Արմենպրես»-ի փոխանցմամբ՝ Հայաստանի Հանրապետության արտաքին գործերի նախարարությունից հայտնում են, որ Հնդկաստանի նախագահական պալատում կայացած հավատարմագրերի հանձնման հանդիսավոր արարողությանը հաջորդած առանձնազրույցի ընթացքում ՀՀ դեսպանը նշել է, որ Հայաստանը մեծ կարևորություն է տալիս Հնդկաստանի պատմամշակութային և հաստատուն ժողովրդավարական արժեքներով հարուստ ավանդույթներին, ինչպես նաև զարգացող տնտեսական առաջընթաց գրանցող երկկողմ կապերին:
Հանդիպմանը Հնդկաստանի Հանրապետության նախագահն անդրադարձել է Հնդկաստանի տարբեր շրջաններում հայկական դարավոր ներկայության, վերջին շրջանում երկկողմ համագործակցության տարբեր բնագավառների ակտիվության և մի շարք ծրագրերում երիտասարդների ներգրավվածությանը խթանող հետագա քայլերի ձեռնարկման նշանակությանը:
Բաժանորդագրվեք մեր ալիքին Telegram-ում