«Հայկական ավիաուղիներ» ընկերությունը գործարկում է Երևան֊Միներալնիե Վոդի կանոնավոր չվերթները

ԵՐԵՎԱՆ, 21 ՆՈՅԵՄԲԵՐԻ, ԱՐՄԵՆՊՐԵՍ: «Հայկական ավիաուղիներ» ընկերությունը գործարկում է Երևան֊Միներալնիե Վոդի կանոնավոր չվերթները։

Ինչպես «Արմենպրես»-ին տեղեկացրին ավիաընկերությունից, Երևան֊Միներալնիե Վոդի առաջին ուղիղ թռիչքը տեղի կունենա դեկտեմբերի 5֊ին Երևանի «Զվարթնոց» օդանավակայանից։

Նախատեսվում է շաբաթական երկու թռիչք` հիմնականում հինգշաբթի և շաբաթ օրերին։

Ըստ աղբյուրի՝ ավիատոմսի մեկ ուղղության գինը, առանց ուղեբեռի, 32 հազար ՀՀ դրամ է, ուղեբեռով` 41 հազար դրամ։ Թռիչքներն իրականացվելու են A321 հարմարավետ ինքնաթիռով։ Թռիչքի տևողությունը 1 ժամ 10 րոպե է։