Ադրբեջանի անվտանգության ուժերը կանխել են Իսրայելի դեսպանատան շենքի վրա հարձակումը

ԵՐԵՎԱՆ, 17 ՆՈՅԵՄԲԵՐԻ, ԱՐՄԵՆՊՐԵՍ: Ադրբեջանի անվտանգության ուժերը օրերս խափանել են Բաքվում Իսրայելի դեսպանատան վրա հարձակումը՝ իրանական ծագմամբ անձի կողմից։

Ինչպես հաղորդում է «Արմենպրես»-ը, այս մասին հայտնում է ադրբեջանական Vesti-ն՝ հղում անելով իսրայելական Ynet-ին:

Տեղեկության համաձայն՝ զինված տղամարդը փորձել է ներխուժել դեսպանատան շենք, ինչի ժամանակ Ադրբեջանի անվտանգության ուժերը վերահսկողության տակ են վերցրել նրան և զինաթափել:

Նշվում է, որ ձերբակալված անձին 4 ամսով կալանավորել են։