1 րոպեի ընթերցում
ԵՐԵՎԱՆ, 27 ՀՈԿՏԵՄԲԵՐԻ, ԱՐՄԵՆՊՐԵՍ: 5,1 մագնիտուդ ուժգնությամբ երկրաշարժ է գրանցվել Իրանի արևելքի Հարավային Խորասան նահանգում։
Ինչպես «Արմենպրես»-ը տեղեկանում է ՏԱՍՍ գործակալությունից, այդ մասին հաղորդել է Եվրոպայի Միջերկրածովյան սեյսմոլոգիական կենտրոնը։
Ստորգետնյա ցնցումների էպիկենտրոնը գտնվել է 196 հազար բնակչություն ունեցող Բիրջենդ քաղաքից 94 կմ հարավ-արևելք։ Օջախն ընկած է եղել 10 կմ խորության վրա։
Ավերածությունների կամ զոհերի մասին հաղորդումներ առայժմ չկան: