Գազայի հատվածին իսրայելական հարվածների հետևանքով զոհերի թիվը գերազանցել է 6,5 հազարը

ԵՐԵՎԱՆ, 25 ՀՈԿՏԵՄԲԵՐԻ, ԱՐՄԵՆՊՐԵՍ: Գազայի հատվածին իսրայելական հարվածների զոհերի թիվը գերազանցել է 6,5 հազարը, ավելի քան 17,4 հազարը վիրավորվել է՝ հոկտեմբերի 7-ին Մերձավոր Արևելքում էսկալացիայի սկզբից ի վեր։

Ինչպես «Արմենպրես»-ը տեղեկանում է ՏԱՍՍ գործակալությունից, այդ մասին հայտնել է անկլավի Առողջապահության նախարարությունը։

Նշվում է, որ հոկտեմբերի 7-ից Գազայի հատվածում Իսրայելի կողմից հարվածների հետևանքով զոհերի թիվը հասել է 6 546-ի, այդ թվում՝ 2 704 երեխա, 1 584 կին և 364 տարեց:

Բացի այդ, տարբեր բնույթի վնասվածքներ է ստացել 17 439 քաղաքացի: