Հայաստանը հանցավորության ամենացածր մակարդակ ունեցող երկրների աղյուսակում զբաղեցնում է 9-րդ տեղը
1 րոպեի ընթերցում
![Հայաստանը հանցավորության ամենացածր մակարդակ ունեցող երկրների աղյուսակում զբաղեցնում է 9-րդ տեղը](http://armenpress.am/resized/480/static/news/b/2023/10/1121811.jpg)
ԵՐԵՎԱՆ, 12 ՀՈԿՏԵՄԲԵՐԻ, ԱՐՄԵՆՊՐԵՍ։ Ըստ World Population Review անկախ միջազգային կազմակերպության 2023 թվականի վարկանիշի՝ Հայաստանը հանցավորության ամենացածր մակարդակ ունեցող երկրների աղյուսակում զբաղեցնում է 9-րդ տեղը։ «Արմենպրես»-ի հաղորդմամբ՝ Կառավարության նիստի ժամանակ այս մասին հայտարարեց վարչապետ Նիկոլ Փաշինյանը։
«World Population Review կազմակերպությունը կազմել է հանցավորության մակարդակն ըստ երկրների 2023 թվականի աղյուսակը։ Հայաստանը հանցավորության ամենացածր մակարդակ ունեցող երկրների մակարդակով զբաղեցրել է 9-րդ տեղը։ Այսինքն, մենք քրեածին իրավիճակի հետ կապված աշխարհի լավագույն երկրների ցանկում 9-րդ տեղում ենք»,- ասաց վարչապետը։
Փաշինյանն ընդգծեց ոստիկանության, քննչական մարմինների և դատախազության աշխատանքի որակը, որը, ըստ նրա, ազդել է հանցավորության ցածր աստիճանի վրա։
«Իհարկե, 9-րդ տեղը շատ բարձր ցուցանիշ է, բայց մեր նվազագույն պլանը պետք է լինի, որ այս ցուցանիշից չնահանջենք և ավելի լավ տեղեր զբաղեցնենք»,- ավելացրեց վարչապետը։