Լեռնային Ղարաբաղից Հայաստան է տեղափոխվել 237 բուժառու, նախատեսվում է ևս 80-ի տեղափոխումը

ԵՐԵՎԱՆ, 27 ՍԵՊՏԵՄԲԵՐԻ, ԱՐՄԵՆՊՐԵՍ։ Սեպտեմբերի 19-ին Լեռնային Ղարաբաղում Ադրբեջանի սանձազերծած ագրեսիայի և Ստեփանակերտի հարակից տարածքում պայթյունի հետևանքով տուժած 237 բուժառու է տեղափոխվել Հայաստան, որից 142-ը՝ ուղղաթիռով և 95-ը՝ շտապօգնության մեքենայով։ Ինչպես տեղեկացնում է«Արմենպրես»-ը՝ «Հումանիտար կենտրոնում» կայացած ասուլիսում այս մասին ասաց վարչապետի մամուլի քարտուղար Նազելի Բաղդասարյանը։

«Այսօր պլանավորվում է շուրջ 80 բուժառուի տեղափոխում»,-ասաց Բաղդասարյանը։