368.53
Մարմնամարզիկները վարկանիշային ԱԱ-ին կմասնակցեն 5 մարզիկով
1 րոպեի ընթերցում
ԵՐԵՎԱՆ, 22 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի մարմնամարզության հավաքականն աշխարհի վարկանիշային առաջնությանը կմասնակցի 5 մարզիկով:
«Արմենպրես»-ի հաղորդմամբ` Բելգիայի Անտվերպեն քաղաքում սեպտեմբերի 25-ից հոկտեմբերի 9-ը անցկացվող սպորտային մարմնամարզության 52-րդ աշխարհի առաջնությանը Հայաստանը կներկայացնեն աշխարհի և Եվրոպայի չեմպիոն Արթուր Դավթյանը, Եվրոպայի չեմպիոն Հարություն Մերդինյանը, Եվրոպայի առաջնության մեդալակիր Վահագն Դավթյանը, Արթուր Ավետիսյանը և Գագիկ Խաչիկյանը:
Հավաքականի մարզիչները կլինեն Հակոբ Սերոբյանը, Հայկ Նազարյանը և Սոս Սարգսյանը:
Այժմ հավաքականն ուսումնամարզական հավաք է անցկացնում Թբիլիսիում:
Աշխարհի առաջնությունը վարկանիշային է Փարիզի Օլիմպիական խաղերի համար:
Բաժանորդագրվեք մեր ալիքին Telegram-ում