ՀՀ ՄԻՊ-ը իրավասու մարմիններին հավաքի մասնակիցների անվտանգությունն ապահովելու և անհամաչափ ուժ չկիրառելու կոչ է արել
1 րոպեի ընթերցում
![ՀՀ ՄԻՊ-ը իրավասու մարմիններին հավաքի մասնակիցների անվտանգությունն ապահովելու և անհամաչափ ուժ չկիրառելու կոչ է արել](http://armenpress.am/resized/480/static/news/b/2023/09/1119966.jpg)
ԵՐԵՎԱՆ, 19 ՍԵՊՏԵՄԲԵՐԻ, ԱՐՄԵՆՊՐԵՍ: Մարդու իրավունքների պաշտպանը հայտարարությամբ կոչ է արել պետական իրավասու մարմիններին ապահովել հավաքի մասնակիցների անվտանգությունը և չկիրառել անհամաչափ ուժ:
Ինչպես «Արմենպրես»-ին տեղեկացրին ՀՀ մարդու իրավունքների պաշտպանի աշխատակազմից, Պաշտպանն ընդգծել է, որ ֆիզիկական ուժի կամ հատուկ միջոցների գործադրումը կարող է տեղի ունենալ բացառապես օրենքով նախատեսված հիմքերի առկայության դեպքում՝ կոնկրետ իրավիճակին խիստ համապատասխան:
Պաշտպանը նաև հորդորում է հավաքի մասնակիցներին ցուցաբերել զսպվածություն, ապահովել հավաքի խաղաղ ընթացքն ու օրենսդրությամբ սահմանված պահանջները։
Նշվում է, որ սեպտեմբերի 19-ին ՄԻՊ աշխատակազմն աշխատում է արտակարգ ռեժիմով, աշխատակազմում իրականացվում են մշտադիտարկումներ և ուսումնասիրություններ:
«ՄԻՊ ներկայացուցիչներն այժմ գտնվում են հավաքի անցկացման վայրում, Պաշտպանի հանձարարությամբ արագ արձագանքման խումբն այց է իրականացրել բուժհաստատություն:
Պաշտպանի թեժ գծի հեռախոսահամարներն են 116 և (096) 116100»,- ասվում է հայտարարության մեջ։