ԼՂ-ում մարդասիրական իրավիճակն արագ վատթարանում է. Սամանթա Փաուերը կարևորել է Լաչինի և Աղդամի երթուղիների անհապաղ վերաբացումը

ԵՐԵՎԱՆ, 11 ՍԵՊՏԵՄԲԵՐԻ, ԱՐՄԵՆՊՐԵՍ: ԱՄՆ Միջազգային զարգացման գործակալության (USAID) կառավարիչ Սամանթա Փաուերը X-ի (նախկին Twitter) իր էջում անդրադարձել է Լեռնային Ղարաբաղում մարդասիրական իրավիճակին և շեշտել, որ իրադրությունն արագ վատթարանում է:

«Կարևոր է, որ Լաչինի և Աղդամի երթուղիներն անհապաղ վերաբացվեն, որպեսզի փրկարար օգնությունը հասնի Լեռնային Ղարաբաղի ժողովրդին»,- «Արմենպրես»-ի փոխանցմամբ՝ գրել է Սամանթա Փաուերը՝ տարածելով ԱՄՆ Պետդեպարտամենտի տարածած՝ պետքարտուղար Էնթոնի Բլինքենի հայտարարությունը:

The humanitarian situation in Nagorno-Karabakh is rapidly deteriorating. It's essential that the Lachin and Aghdam routes be reopened immediately so lifesaving assistance can reach the people of NK. https://t.co/TXZNjT9l26

— Samantha Power (@PowerUSAID) September 10, 2023