Թեհրանում շենքերի փլուզման հետևանքով 4 մարդ է զոհվել

ԵՐԵՎԱՆ, 7 ՕԳՈՍՏՈՍԻ, ԱՐՄԵՆՊՐԵՍ։ Իրանի մայրաքաղաք Թեհրանում շենքերի փլուզման հետևանքով 4 մարդ է զոհվել։ «Արմենպրես»-ի փոխանցմամբ՝ այս մասին հաղորդում է Iran International պարբերականը։

#BREAKING Five buildings have collapsed in Tehran’s Ahmadiyeh Township, and efforts are underway to rescue at least four police forces and two municipality employees trapped under the rubble, according to Iranian authorities. pic.twitter.com/qLTX12q3HI

— Iran International English (@IranIntl_En) August 6, 2023

Որոնողափրկարարական աշխատանքները շարունակվում են փլատակներում մնացածներին դուրս բերելու համար։

Նշվում է, որ ոստիկանները հետևում էին ապօրինի կառուցված առաջին շենքի պլանավորված քանդման աշխատանքներին, երբ փլուզվել են մերձակայքում գտնվող հինգ շենքերը։

Պարբերականը նշում է, որ Թեհրանում հարյուրավոր վթարային շենքեր կան, սակայն դրանց ցուցակը պաշտոնապես չի հրապարակվում «ժողովրդին չանհանգստացնելու համար»։