1 րոպեի ընթերցում
ԵՐԵՎԱՆ, 5 ՕԳՈՍՏՈՍԻ, ԱՐՄԵՆՊՐԵՍ: Հայաստանում Չեխիայի դեսպան Պյոտր Պիրունչիկը այցելել է Ադրբեջանի կողմից ապօրինի արգելափակված Լաչինի միջանցքի սկզբնամաս, որտեղից լուսանկարներ ու տեսանյութ է հրապարակել:
«Լաչինի միջանցքում: Ուզում էի սեփական աչքերով տեսնել այն վայրը, որի մասին այդքան լսել եմ, և որի մասին այդքան խոսում և գրում եմ»,- գրել է նա X-ում (նախկինում Twitter):
In the Lachin corridor. I wanted to see with my own eyes a place that I hear a lot about and I also often talk and write about. pic.twitter.com/bL3Z2Ggy2m
— Petr Piruncik (@petr_piruncik) August 5, 2023
Հայաստանում Չեխիայի դեսպան Պյոտր Պիրունչիկն օգոստոսի 2-ին Կապանում մասնակցել էր ԵՄ դիտորդական առաքելության գրասենյակի բացման արարողությանը, հանդիպում ունեցել Սյունիքի մարզպետ Ռոբերտ Ղուկասյանի հետ։
Ադրբեջանն ապօրինի արգելափակել է Լեռնային Ղարաբաղը Հայաստանի հետ կապող միակ ճանապարհը՝ Լաչինի միջանցքը, ինչի հետևանքով Լեռնային Ղարաբաղի բնակչությունն ամբողջությամբ զրկված է պարենի, դեղորայքի, վառելիքի, առաջին անհրաժեշտության այլ ապրանքների մատակարարումներից։ Ադրբեջանն արգելափակել է նաև Լեռնային Ղարաբաղի գազամատակարարումն ու էլեկտրամատակարարումը։