Դատախազները, քննիչները և ՄԻԵԴ դատավորը քննարկել են խոսքի ազատության և ատելության խոսքի ինստիտուտների սահմանազատումը
1 րոպեի ընթերցում
![Դատախազները, քննիչները և ՄԻԵԴ դատավորը քննարկել են խոսքի ազատության և ատելության խոսքի ինստիտուտների սահմանազատումը](http://armenpress.am/resized/480/static/news/b/2023/07/1115944.jpg)
ԵՐԵՎԱՆ, 21 ՀՈՒԼԻՍԻ, ԱՐՄԵՆՊՐԵՍ: Հայաստանի Հանրապետության գլխավոր դատախազ Աննա Վարդապետյանի նախաձեռնությամբ դատախազներն ու Քննչական կոմիտեի ներկայացուցիչները հուլիսի 21-ին հանդիպել են Մարդու իրավունքների եվրոպական դատարանի դատավոր Արմեն Հարությունյանի հետ:
Ինչպես «Արմենպրես»-ին տեղեկացրին ՀՀ դատախազությունից, հանդիպման ընթացքում անդրադարձ է կատարվել խոսքի ազատության և ատելության խոսքի ինստիտուտների սահմանազատմանը՝ ՄԻԵԴ նախադեպային իրավունքի, չափորոշիչների և փիլիսոփայության համատեքստում:
Ըստ աղբյուրի՝ հարցուպատասխանի ձևաչափով քննարկվել են վերոնշյալ ինստիտուտների վերաբերյալ ՄԻԵԴ իրավաբանության մեջ ամրագրված կայուն նախադեպային մոտեցումները, ինչպես նաև անդրադարձ է կատարվել իրավունքի չարաշահման համատեքստում խոսքի ազատության մեկնաբանության առանձնահատկություններին:
Նշվում է, որ հանդիպման ավարտին պայմանավորվածություն է ձեռք բերվել նման ձևաչափով հանդիպումները շարունակական դարձնելու վերաբերյալ: