Ադրբեջանը հրաձգային զինատեսակներից կրակ է արձակել Մարտունի քաղաքի 3 բնակչի ուղղությամբ
1 րոպեի ընթերցում
![Ադրբեջանը հրաձգային զինատեսակներից կրակ է արձակել Մարտունի քաղաքի 3 բնակչի ուղղությամբ](http://armenpress.am/resized/480/static/news/b/2023/07/1114877.jpg)
ԵՐԵՎԱՆ, 6 ՀՈՒԼԻՍԻ, ԱՐՄԵՆՊՐԵՍ։ Ադրբեջանը կրակել է Մարտունի քաղաքի բնակիչների ուղղությամբ։ «Արմենպրես»-ն այս մասին տեղեկանում է Արցախի Հանրապետության ներքին գործերի նախարարության տարածած հաղորդագրությունից։
«Հուլիսի 6-ին ժամը 13:50-ին ոստիկանության Մարտունու շրջանային բաժնում հաղորդում է ստացվել, որ ժամը 12:15-ի սահմաններում Մարտունի քաղաքի բնակիչներ` փականագործներ Բ.Ի.-ն, Ռ. Ա.-ն և էլեկտրատեխնիկ Ա.Ֆ.-ն, Բերդաշեն գյուղի վարչական տարածքում արտեզյան ջրհորի նորոգման աշխատանքներ են կատարել։ Այդ աշխատանքները կատարելու ժամանակ ադրբեջանական մարտական դիրքերից հրաձգային տարբեր տրամաչափի զինատեսակներից կրակ են արձակել նրանց ուղղությամբ»,-ասված է հաղորդագրության մեջ։
Հրադադարի ռեժիմի խախտման պատճառով` դադարեցվել են նորոգման աշխատանքները:
Հաղորդումը փոխանցվել է ռուսական խաղաղապահ զորակազմին։