ԿԽՄԿ ներկայացուցիչը Ադրբեջանի ԱԳ նախարարի հետ քննարկել է Լաչինի միջանցքի շուրջ ստեղծված իրավիճակը
1 րոպեի ընթերցում
ԵՐԵՎԱՆ, 24 ՀՈՒՆԻՍԻ, ԱՐՄԵՆՊՐԵՍ։ Ադրբեջանում Կարմիր խաչի միջազգային կոմիտեի (ԿԽՄԿ) ներկայացուցչության ղեկավար Դրագանա Կոժիչը հունիսի 24-ին հանդիպել է Ադրբեջանի արտաքին գործերի նախարար Ջեյհուն Բայրամովի հետ: Ինչպես տեղեկացնում է «Արմենպրես»-ը, այս մասին հաղորդագրություն է տարածել Ադրբեջանի ԱԳՆ-ի մամուլի ծառայությունը։
Նշվում է, որ կողմերը քննարկել են ԿԽՄԿ-ի հետ Ադրբեջանի համագործակցության հարցերը, Լաչինի միջանցքի շուրջ ստեղծված իրավիճակը և Ստեփանակերտում Կարմիր խաչի միջազգային կոմիտեի գործունեությունը։