«Երևանյան բեսթսելեր». «Հրաշք հեքիաթներ» ժողովածուն՝ առաջատար. մանկական. մայիս, 2023

ԵՐԵՎԱՆ, 23 ՀՈՒՆԻՍԻ, ԱՐՄԵՆՊՐԵՍ:«Արմենպրես»լրատվական գործակալության «Երևանյան բեսթսելեր» հեղինակային նախագիծն այս շաբաթ ներկայացնում է մանկական և պատանեկան գեղարվեստական ստեղծագործությունների լավագույն տասնյակը՝ ըստ մայիսի վաճառքի տվյալների:

Առաջին տեղում է բոլոր ժամանակների ամենաընթերցվող հեղինակներից մեկի`ՀովհաննեսԹումանյանի «Հրաշք հեքիաթներ»ժողովածուն: Թումանյանի գործերը պահանջված են բոլոր սերունդների կողմից, դրանք հաճույքով են ընթերցում նաև մեծահասակները: Հեքիաթների հիմքում ընկած են ժողովրդական թեմաներն ու պատումները:

Երկրորդ հորիզոնականում«Երեքխոզուկները»մանկական հեքիաթն է: Գիրքը հնարավորություն է տալիս փոքրիկներին ծանոթանալու երեք խոզուկների արկածներին:

Երրորդ տեղում է «Շունն ու կատուն» գիրքը։ Այս հեքիաթի սյուժեի մասին կարելի է ընդհանրապես չխոսել, քանի որ այն ծանոթ է յուրաքանչյուր փոքրիկի: Թումանյանական այս հեքիաթը սիրված է շատերի կողմից:

Չորրորդ տեղում է «Գայլն ու յոթ ուլիկները» գիրքը: Գրիմ եղբայրների այս հեքիաթը հրատարակվել է 1812-1815 թվականների հեքիաթների շարքում: Սյուժեն շատ հայտնի է ու պարզ, այն ծանոթ է յուրաքանչյուր փոքրիկի:

Հինգերորդ տեղում է «Շունն ու կատուն» գիրքը, այս անգամ՝ մեկ այլ հրատարակչության լույսընծայմամբ։

Վեցերորդ տեղում է Դերենիկ Դեմիրճյանի «Պույ-Պույ Մուկիկը»: Յուրաքանչյուր երեխա մեծ բավականություն կստանա՝ ընթերցելով հեքիաթը հանրահայտ մուկիկի մասին, դե, իսկ սյուժեն հայտնի է բոլոր-բոլորին:

Խնկո Ապոր առակներն ամփոփող «Առակներ» ժողովածուն յոթերորդն է։ Առակների հերոսները կենդանական և բուսական աշխարհի ներկայացուցիչներ են, իրեր, լուսատուներ և այլն։ Անտիկ շրջանում և միջնադարում առակները արձակ ժանրի ստեղծագործություններ էին, սակայն հետագայում դրանք սկսեցին գրվել չափածո։

Ութերորդ տեղում է Գրիգոր Քեշիշյանի «Երկնքում շատ աստղեր կան» պատմվածքների ժողովածուն։ Վերջինիս մեջ ներառվել են գաղափարներ ընտանեկան ջերմության, սիրո, փոխըմբռնման և նվիրվածության, ծնող-երեխա բազմաշերտ փոխհարաբերությունների, ընտանիքում տիրող խաղաղ և ջերմ մթնոլորտի կարևորության մասին։

Իններորդ տեղում է «20 հեքիաթ քնելուց առաջ» գիրքը։ Մանկան խաղաղ քնի ու քաղցր երազների համար անհրաժեշտ են բարի ու կախարդական հեքիաթներ: Սիրված հերոսների մասնակցությամբ այս 20 հեքիաթները կդառնան երեխայի օրվա ամենասպասված մասը՝ երազների աշխարհ ուղևորվելուց առաջ:

Տասներորդ տեղում է Դերենիկ Դեմիրճյանի «Պույ-Պույ Մուկիկը» գիրքը, այս անգամ՝ մեկ այլ հրատարակչության լույսընծայմամբ։

Տեղ	Փոփ.	Գիրք		Հրատ.	Քանակ
1	Նոր		Հովհաննես Թումանյան «Հրաշք հեքիաթներ»	Լաս Պրինտ	69
2	*		«Երեք խոզուկները»	Բուկինիստ	62
3	0		«Շունն ու կատուն»	Բուկինիստ	57
4	-3		«Գայլն ու յոթ ուլիկները»	Բուկինիստ	54
5	+3		«Շունն ու կատուն»	GSM	51
6	-2		Դերենիկ Դեմիրճյան «Պույ-Պույ Մուկիկը»	Բուկինիստ	45
7	-3		Խնկո Ապեր «Առակներ»	Բուկինիստ	42
8	-2		Գրիգոր Քեշիշյան «Երկնքում շատ աստղեր կան»	Դավինչի	37
9	Նոր		«20 հեքիաթ․ քնելուց առաջ»	Դավինչի	36
10	*		Դերենիկ Դեմիրճյան «Պույ-Պույ Մուկիկը»	GSM	36

«Երևանյան բեսթսելերը» ներկայացրեց Ռոզա Գրիգորյանը

Ցանկում ներառված չեն «Երևանյան բեսթսելեր» մրցանակի արժանացած գրքերը

Վարկանիշային ցուցակի կազմման հարցումներին մասնակցել են «Բուկինիստ» (011-53-74-13), «Հայ գիրք-Դարան» (56-80-38), «Զանգակ» (011-22-33-66), «Նոր գրախանութ» ( 044-53-74-74) գրախանութների և գրատների ցանցերը: