Էրդողանը վերընտրվել է Թուրքիայի նախագահի պաշտոնում

ԵՐԵՎԱՆ, 28 ՄԱՅԻՍԻ, ԱՐՄԵՆՊՐԵՍ։ Թուրքիայի նախագահական ընտրությունների երկրորդ փուլի արդյունքներով հաղթել է գործող նախագահ Ռեջեփ Թայիփ Էրդողանը։

Ինչպես հաղորդում է «Արմենպրես»–ը, նախնական տվյալներով Էրդողանը ստացել է քվեարկության մասնակիցների ձայների 52,14 տոկոսը, իսկ ընդդիմադիր թեկնածուն՝ Քեմալ Քըլըչդարօղլուն, 47,86 տոկոսը։

Այսպիսով երկրորդ փուլով Էրդողանը կարողացել է հավաքել քվեարկության մասնակիցների ձայների 50 տոկոսից ավելին և հաղթել ընտրություններում։

Թուրքիայում նախագահական ընտրությունների առաջին փուլը կայացել էր մայիսի 14–ին։ Այն ժամանակ թեկնածուներից որեւէ մեկին չէր հաջողվել ձայների 50 տոկոսից ավելին հավաքել, ամենաշատ ձայներ հավաքած երկու թեկնածուներն անցել էին երկրորդ փուլ։