Արագածոտնի մարզի Վարդենիս և Կայք համայնքներում մայիսի 16-ին փորձարկվելու են էլեկտրական շչակներ

ԵՐԵՎԱՆ, 15 ՄԱՅԻՍԻ, ԱՐՄԵՆՊՐԵՍ: Արագածոտնի մարզի Վարդենիս համայնքում՝ մայիսի 16-ի ժամը 11։20-ին և Կայք համայնքում՝ ժամը 12:20-ին փորձարկվելու են էլեկտրական շչակներ: «Արմենպրես»-ին այս մասին տեղեկացրին ՀՀ ներքին գործերի նախարարության փրկարար ծառայությունից՝ նշված համայնքների բնակիչներին խնդրելով չանհանգստանալ։