ՀՅԴ Հայաստանի Գերագույն մարմնի ներկայացուցիչը Հայ դատի Ամերիկայի հանձնախմբում քննարկել է հայկական շահերի պաշտպանության հարցեր
1 րոպեի ընթերցում
![ՀՅԴ Հայաստանի Գերագույն մարմնի ներկայացուցիչը Հայ դատի Ամերիկայի հանձնախմբում քննարկել է հայկական շահերի պաշտպանության հարցեր](http://armenpress.am/resized/480/static/news/b/2023/04/1108825.jpg)
ԵՐԵՎԱՆ, 16 ԱՊՐԻԼԻ, ԱՐՄԵՆՊՐԵՍ: Աշխատանքային այցով Ամերիկայի Միացյալ Նահանգներում գտնվող՝ ՀՅԴ Հայաստանի Գերագույն մարմնի ներկյացուցիչ Իշխան Սաղաթելյանն այցելել է Հայ դատի Ամերիկայի հանձնախմբի Վաշինգտոնի կենտրոնական գրասենյակ և աշխատանքային քննարկումներ ունեցել Ամերիկայում հայկական շահերի պաշտպանության, Հայ դատի հանձնախմբի գործունեության հիմնական ուղղությունների շուրջ՝ մասնավորապես «Ազատության աջակցության ակտի» 907-րդ հոդվածի պահանջների կատարման, Ադրբեջանին տրամադրվող ամերիկյան ռազմական օժանդակության դադարեցման, պատերազմական հանցագործությունների համար Ադրբեջանի ռազմաքաղաքական ղեկավարության նկատմամբ պատժամիջոցներ կիրառելու և այլ հարցերի վերաբերյալ։
Ինչպես «Արմենպրես»-ին տեղեկացրին ՀՅԴ Բյուրոյի Հայ Դատի կենտրոնական գրասենյակից, Իշխան Սաղաթելյանը չափազանց բարձր է գնահատել Հայ դատի հանձնախմբի գործունեությունը՝ Միացյալ Նահանգներում հայկական շահերի պաշտպանության, Ամերիկայում հայկական ժառանգության պահպանման և զարգացման, երիտասարդությանը կրթելու և, առհասարակ, հայապահպանության գործում։