Մարմնամարզիկ Վահագն Դավթյանը Եվրոպայի առաջնության փոխչեմպիոն է

ԵՐԵՎԱՆ, 15 ԱՊՐԻԼԻ, ԱՐՄԵՆՊՐԵՍ: Հայաստանի մարմնամարզության հավաքականի անդամ Վահագն Դավթյանը դարձել է Եվրոպայի առաջնության արծաթե մեդալակիր:

«Արմենպրես»-ի հաղորդմամբ` Թուրքիայի Անթալիա քաղաքում ընթացող Եվրոպայի առաջնության առանձին վարժությունների օղակների ձևում Դավթյանը հավաքել է 14,733 միավոր և գրավել երկրորդ տեղը: Առաջին տեղում Թուրքիայի ներկայացուցիչն է:

Քիչ ավել վաղ Հայաստանի մարմնամարզության հավաքականի անդամ, Օլիմպիական խաղերի բրոնզե մեդալակիր, աշխարհի չեմպիոն Արթուր Դավթյանը դարձել էր Եվրոպայի առաջնության առանձին գործիքներից նժույգ-թափերի վարժության բրոնզե մեդալակիր: