Ոստիկանները բաժին են տարել ալիմենտ վճարելուց խուսափելու համար հետախուզվող 40-ամյա կնոջը
1 րոպեի ընթերցում
![Ոստիկանները բաժին են տարել ալիմենտ վճարելուց խուսափելու համար հետախուզվող 40-ամյա կնոջը](http://armenpress.am/resized/480/static/news/b/2023/04/1108566.jpg)
ԵՐԵՎԱՆ, 12 ԱՊՐԻԼԻ, ԱՐՄԵՆՊՐԵՍ: ՀՀ ՆԳՆ ոստիկանության Գեղարքունիքի մարզային վարչության և Գավառի բաժնի ծառայողների ձեռնարկած միջոցառումների արդյունքում ապրիլի 11-ին Արմավիր քաղաքի Երևանյան փողոցում հայտնաբերվել և Գավառի բաժին է տարվել 40-ամյա Աննա Ա.-ն: Նա հետախուզվում էր ՀՀ քրեական օրենսգրքի 251-րդ հոդվածի (Ալիմենտ (ապրուստավճար) վճարելուց խուսափելը) մեղադրանքով:
Ինչպես «Արմենպրես»-ին տեղեկացրին ՀՀ ներքին գործերի նախարարության ոստիկանությունից, խափանման միջոց է ընտրվել բացակայելու արգելքը:
Ըստ աղբյուրի՝ Աննա Ա.-ն ներկայացվել է նախաքննական մարմին:
Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: