1 րոպեի ընթերցում
ԵՐԵՎԱՆ, 21 ՄԱՐՏԻ, ԱՐՄԵՆՊՐԵՍ: «Քաղաքացիական պայմանագիր» խմբակցության կողմից ՄԻՊ թեկնածու է առաջադրվել ՀՀ գլխավոր դատախազի տեղակալ Անահիտ Մանասյանը։ Խմբակցությունը կայացրել է այդ որոշումը քիչ առաջ ավարտված նիստում:
«Արմենպրես»-ի հաղորդմամբ՝ այս մասին լրագրողների հետ զրույցում նշել է խմբակցության ղեկավար Հայկ Կոնջորյանը։
Ըստ Կոնջորյանի՝ խմբակցությունը շատ լրջորեն է մոտեցել այդ հարցին և դիտարկել է տարբեր թեկնածուների։
«Փորձել ենք գտնել լավագույն թեկնածուին և համարում ենք, որ տիկին Մանասյանն իր մասնագիտական կարողություններով, անցած ճանապարհով և սկզբունքներով այն թեկնածուն է, որ կարող է լինել Մարդու իրավունքների պաշտպան»,-նշեց նա։