Վլադիկավկազ-Լարս ճանապարհը բացվել է բոլոր տեսակի տրանսպորտային միջոցների համար

ԵՐԵՎԱՆ, 15 ՄԱՐՏԻ, ԱՐՄԵՆՊՐԵՍ: Ռազմավիրական ճանապարհով երթևեկությունը բաց է բոլոր տեսակի ավտոտրանսպորտային միջոցների համար: Այդ մասին «Արմենպրես»-ը տեղեկանում Է ТАСС գործակալությունից:

«2023 թվականի մարտի 15-ի ժամը 07:00-ի դրությամբ Ռազմավիրական ճանապարհը գործում է կանոնավոր ռեժիմով»,- այսօր հայտնել են Ռուսաստանի արտակարգ իրավիճակների նախարարության Հյուսիսային Օսիա-Ալանիայի Հանրապետության գլխավոր վարչության մամուլի ծառայությունում:

Ավելի վաղ մարտի 14-ին Մոսկվայի ժամանակով ժամը 01:30-ից (Երևանի ժամանակով 02:30-ից) Ռազմավիրական ճանապարհով Վլադիկավկազ քաղաք-Լարս բնակավայր հատվածում երթևեկությունը փակվել Էր բոլոր տեսակի տրանսպորտային միջոցների համար՝ Ռուսաստանի Դաշնությունից ելքի ուղղությամբ: