Այլ երկրները կարող են նպաստել տարածաշրջանի անվտանգությանը. Իրանի դեսպանը՝ ԵՄ դիտորդական առաքելության տեղակայման մասին
1 րոպեի ընթերցում
ԵՐԵՎԱՆ, 9 ՓԵՏՐՎԱՐԻ, ԱՐՄԵՆՊՐԵՍ: Հայաստանում Իրանի դեսպան Աբբաս Բադախշան Զոհուրին անդրադարձել է Հայաստան-Ադրբեջան սահմանին Հայաստանի կողմից Եվրոպական Միության քաղաքացիական դիտորդական առաքելության տեղակայմանը: Դեսպանը թեմային անդրադարձել է «Հայաստան-Իրան հարաբերություններն ընդհանուր շահերի համատեքստում» խորագրով աշխատաժողովի ընթացքում:
Անդրադառնալով թեմայի վերաբերյալ լրագրողի հարցին՝ դեսպանն ասել է.«Այլ երկրները կարող են իրենց նպաստը բերել տարածաշրջանում անվտանգության և խաղաղության ապահովման առումով»:
Դեսպանը նաև հավելել է, որ տարածաշրջանի երկրների մասնակցությամբ խնդիրների լուծումը կարող է ապահովել անվտանգությունը, խաղաղությունը, որը հիմնված կլինի երկխոսության և քննարկումների վրա: