Աշտարակի համայնքային ոստիկանները հրազեն ու փամփուշտներ են հայտնաբերել
1 րոպեի ընթերցում
![Աշտարակի համայնքային ոստիկանները հրազեն ու փամփուշտներ են հայտնաբերել](http://armenpress.am/resized/480/static/news/b/2023/02/1103703.jpg)
ԵՐԵՎԱՆ, 8 ՓԵՏՐՎԱՐԻ, ԱՐՄԵՆՊՐԵՍ: Աշտարակի համայնքային ոստիկանները օպերատիվ տեղեկություններ են ստացել, որ Կոշ գյուղում բնակվող մի երիտասարդ ապօրինի զենք-զինամթերք է պահում։ «Արմենպրես»-ին այս մասին տեղեկացրին ՀՀ ներքին գործերի նախարարության ոստիկանությունից։
«Ստացված տվյալները ստուգվեցին ու հաստատվեցին։ Փետրվարի 1-ին իրավապահները Կոշում հայտնաբերեցին, ձերբակալեցին և, մեքենայով հանդերձ, ոստիկանության Աշտարակի բաժին տեղափոխեցին 27-ամյա մի երիտասարդի։
Նախաձեռնվեց քրեական վարույթ։ Ձերբակալվածի մեքենայի խուզարկությամբ բեռնախցիկում հայտնաբերվեց հրազեն: Բնակարանի խուզարկությամբ հայտնաբերվեցին փամփուշտներ»,- ասվում է հաղորդագրության մեջ։
Ըստ աղբյուրի՝ երիտասարդը և կազմված փաստաթղթերը ներկայացվել են տարածքային քննչական վարչություն։
Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: