1 րոպեի ընթերցում
ԵՐԵՎԱՆ, 7 ՓԵՏՐՎԱՐԻ, ԱՐՄԵՆՊՐԵՍ: Hayat Project խումբը, որի «Հարսանիք», «Հորքուրի գանձ», «Զիզի բիզի» և մի շարք այլ երգեր վերջին տարիներին հաճախ հնչում են Հայաստանում կազմակերպված գրեթե բոլոր խնջույքներին, երկրպագուների դատին է հանձնել «Բաց արա» հայտնի երգը՝ նոր մեկնաբանությամբ:
«Արմենպրես»-ի հաղորդմամբ՝ երգի տեսահոլովակը նկարահանվել է «Գործակալ 044. օպերացիա Գառնի» ֆիլմի դրվագներով, կինոնկար, որը կինոթատրոններում կլինի մարտի 2-ից:
Hayat Project-ը ձևավորվել է Գյումրիում: Խմբի անդամներն են Հովհաննես Սերոբյանը, Նարե Հովհաննիսյանն ու Գեւորգ Հակոբյանը, պրոդյուսերը Վահե Կիրակոսյանն է: